🪔நல்லவன் என்னும் பெருவயவனுக்கு வீரவணக்கம்🙏

“ஓயாத அலைகள் – 01” நடவடிக்கை என தமிழினத்தின் தனிப்பெரும் தலைவர் மேதகு வே.பிரபாகரன் அவர்களால் பெயர் சூட்டபட்டு முல்லைத்தீவுப் பெருந்தளம் முற்றுமுழுதாக தாக்கியழிக்கப்பட்டது.

அந்தப் பெருஞ்சமரில்
தளராத வீரமுடன் போரிட்டு மடிந்த இந்த வீரனின் வரலாறு எம் மண்ணில் பொன்னெழுத்துக்களால் பொறிக்கப்பட வேண்டும்.

(01)சூரிய வழிபாடு
(02)அக்கினி வழிபாடு
(03)நாக வழிபாடு
(04)பசு வழிபாடு

ஆகியன இயற்கைக்கும் தமிழர் எமக்குமான இணைப்பை இயம்புகின்றது.

அஃதே,

மாவீரர் வழிபாடு என்பது விடுதலை மீதான எங்கள் பெருவேட்கையை இயம்புகின்றது.

மாவீரர் வழிபாடு🎖 என்பது எங்கள்
தாய் மண்ணின் வீரர்கள் மீதான எங்களின் நன்றியறிதலை
இயம்புகின்றது.🙏

போர்த்துக்கேயன் எங்கள் வழிபாட்டுத் தளங்களை இடித்தழித்த போது அந்தக் கொடூரர்களின் கண்களில் மண்ணைத் தூவியவர்கள் வயவர்கள்.

வயாவிளான் ஊரில் உள்ள மனையுடையம்மன் கோவிலின் கருவறையில் உள்ள அம்மன் அந்நியர் காலம் அகலும் வரை வீட்டில் (மனையில்) காக்கப்பட்டமையை நாம் அறிவோம்.

எங்கள் தெய்வ வழிபாடுகளை கட்டிக்காத்த எம்மினத்துக்கு மாவீரத் தெய்வ வழிபாட்டை தொடரவும் தெரியும் என கட்டியம் கூறி நிமிர்கின்றது இன்றைய வழிபாடுகளைத் தொடர்வோம்.

ஆம், விடுதலை வித்தான நல்லவன் எனும் இம் மானமாவீரனுக்கு இரு நிமிடங்கள் தலைசாய்த்து நிமிர்வோம்.