அடிவயிற்றில் சுதந்திரப் பசியுடன்
திரிந்த சுந்தரனே!
அன்புக்கோர் எல்லை வகுக்காத
அன்பாளனே – உனை
அந்தோனியார் கோயிலடியிலும்
தேடுகின்றோம்!
ஆஞ்சிநேயர் கோயில் மூலையிலும்
தேடுகின்றோம்!
அந்தரித்த வாழ்வினிலும்
தேடுகின்றோம்! – உனை
அன்னை தேசத்தின் இடிவிழ்ந்த இடுக்குகளிலும் தேடுகின்றோம்!
அந்நிய நாட்டின் அடுக்கு மாடிகளிலும் தேடுகின்றோம்!
அந்திப் பொழுதினிலும் அசந்திடாமல்
தேடுகின்றோம்! – நின்
அன்பு முகம்தனை அனுதினமும்
தேடுகின்றோம் சுதர்சனே!
ஐய்யனே விரைந்து வாடா!🙏
